Solucións I+D

Industria 4.0

As tecnoloxías asociadas á Industria 4.0 teñen o potencial de crear un extraordinario crecemento de oportunidades e vantaxes competitivas para a industria. Así como a dixitalización supón unha gran oportunidade para a industria en termos de incremento de produtividade, competitividade e crecemento, converténdose deste xeito nunha das grandes prioridades de I+D+i.

As empresas teñen a necesidade de poder avaliar e comprender as implicacións prácticas da innovación dixital, probala e experimentala antes da súa implementación. Para iso, resultan imprescindibles infraestruturas tecnolóxicas, laboratorios e plataformas coas que se constrúan centros de experimentación, demostración e asesoramento que poidan facilitar o desenvolvemento e validación de tecnoloxías, así como asesorar de forma personalizada ás empresas, independentemente do seu tamaño, para tomar así as mellores decisións en canto a investimentos tecnolóxicos.

Saúde animal

As principais liñas de investigación que se levaron a cabo ao longo da nosa historia foron en saúde animal, desenvolvéndose desde o estudo dos patóxenos, a prevención, o diagnóstico e o tratamento, así como no campo do benestar animal e a alimentación.

A experiencia adquirida permitiunos ser punteiros no deseño, desenvolvemento, avaliación e rexistro de diferentes tipos medicamentos, destacando no campo de autovacinas.

Dada nosa estreita relación co sector produtivo primario, en concreto, acuicultura, cunicultura e avicultura, coñecemos as súas necesidades e demandas no campo da saúde, podendo transferirlles rapidamente os coñecementos científicos ou as tecnoloxías innovadoras.

Desenvolvemos protocolos e guías de traballo co fin de mellorar o benestar dos animais en cultivo. Ademais, colaboramos con diferentes institucións públicas na elaboración guías prácticas, protocolos e redes relacionadas coa saúde animal.

Alimentación

Outro dos nosos puntos fortes son os estudos de investigación que realizamos ou diriximos no campo da nutrición animal, destacando o deseño de novas dietas máis equilibradas e eficientes.

Tamén se realizan traballos de investigación cuxo obxectivo é a procura de alternativas á proteína de orixe animal.